ապրանք զամբյուղում

Նիկիտա Բառանովը «Փյունիկ» է տեղափոխվել 2021 թվականին Մալթայի «Համրուն Սպարտանս» ակումբից։ 2021/22 մրցաշրջանում Նիկիտան Հայաստանում նվաճել է իր առաջին տիտղոսը՝ «Փյունիկի» հետ դառնալով Հայաստանի առաջնության հաղթող։ Մինչև մեր թիմին միանալը, էստոնացին «Ֆլորա Տալլին» ակումբի կազմում նվաճել է 8 գավաթ՝ երեքական անգամ դառնալով Էստոնիայի առաջնության և Սուպերգավաթի հաղթող, երկու անգամ էլ դարձել է երկրի գավաթակիր։ Հայկական ակումբներից Բառանովը 2019/20 մրցաշրջանում խաղացել է «Ալաշկերտում»։ Բառանովը 2015 թվականից համարվում է Էստոնիայի ազգային հավաքականի ֆուտբոլիստ՝ անցկացրած 45 խաղով։