Fastex Պրեմիեր լիգայի 29-րդ տուրում «Փյունիկը» 1:2 հաշվով պարտվեց ԲԿՄԱ-ին:
Հանդիպման առաջին խաղակեսում վտանգավոր պահեր գրեթե չկային:
Երկրորդ խաղակեսի միջնամասում բանակայիններն առաջ անցան հաշվի մեջ: Հեռվից կատարած հարվածից հետո Ստանիսլավ Բուչնևը հետ մղեց գնդակը, սակայն վրա հասած Արայիկ Էլոյանը գրավեց տանտերերի դարպասը:
Բաց թողած գոլից հետո «Փյունիկը» մի քանի գոլային պահ ուներ, սակայն այդպես էլ չէր ստացվում գնդակն ուղարկել հյուրերի դարպասը:
Դրվագներից մեկում Արայիկ Էլոյանը հեռվից կատարած հարվածով դուբլ գրանցեց և հաշիվը դարձրեց 2:0:
Խաղի մնացած ժամանակահատվածում մեզ մոտ ստացվեց միայն մեկ գնդակ հետ բերել, որն էլ իր անվան դիմաց գրանցեց Մատաս Վարեյկան:
Եղիշե Մելիքյանի թիմը հաջորդ հանդիպումը կանցկացնի մայիսի 9-ին՝ հյուրընկալվելով «Նոային»:
