«Փյունիկ Ակադեմիան» Հայաստանի Առաջին խմբի 9-րդ տուրում 4։1 հաշվով հաղթեց «Նիկարմին»։

Մեր տղաները կրկնեցին անցած հանդիպման սցենարը․ սկզբում աչքի ընկավ Տիգրան Գևորգյանը, այնուհետև, հեռվից դարպասապահի գլխի վրայով գնդակը դարպասում կախեց Մարատ Ասատրյանը։
Առաջին կեսի վերջին գոլն իր անվան դիմաց գրանցեց Կարեն Հովակիմյանը։

Երկրորդ խաղակեսում թիմերը մեկական գոլով փոխանակվեցին. մեր թիմի կազմում գոլ հեղինակեց Անդրանիկ Հակոբյանը, իսկ «Նիկարմից»՝ Էրիկ Տերյանը։