Հայաստանի կանանց Բարձրագույն խմբի 13-րդ տուրում «Փյունիկ Աղջիկները» տանը նվազագույն հաշվով հաղթեցին «Արարատ-Արմենիային» և երկրորդ տարին անընդմեջ հռչակվեցին երկրի չեմպիոն: Այս նվաճումը մեր աղջիկները գրանցեցին մրցաշրջանի ավարտից 5 տուր առաջ: 

Հանդիպման միակ գոլը գրանցվեց առաջին խաղակեսում․ հարձակման աջ եզրից պաշտպանությունը ճեղքեց Անի Ղուկասյանը՝ խփելով մեր չեմպիոնական գնդակը։

«Ուրախ եմ, որ երկրորդ տարին անընդմեջ կարողացանք դառնալ Հայաստանի չեմպիոն: Շնորհակալ եմ բոլոր այն մարդկանց, ովքեր այս ճանապարհին մեր կողքին են եղել և աջակցել մեզ: Շնորհավորւմ եմ «Փյունիկի» ղեկավարությանը, մարզչական շտաբին և մեր բոլոր երկրպագուներին: Անկախ այս նվաճումից, մենք մեր առջև դնելու ենք նոր նպատակներ, որոնց համար շարունակելու ենք քրտնաջան աշխատել»,-խաղից հետո իր տպավորություններով կիսվել է գլխավոր մարզիչ Արմեն Բարեղամյանը:


Արմեն Բարեղամյանի թիմը շարունակում է հաղթարշավը՝ 12 խաղում տոնելով 12 հաղթանակ։ Հաջորդ հանդիպումը տեղի կունենա՝ ապրիլի 15-ին, մրցակցի հարկի տակ՝ «Ուրարտուի» դեմ։

Շնորհավորում ենք մեր աղջիկներին ու մարզչական շտաբին՝ չեմպիոնության առիթով։