Ուրախ ենք տեղեկացնելու, որ «Փյունիկի» հետ իր կարիերայի առաջին պրոֆեսիոնալ պայմանագիրն է կնքել Սեդրակ Մովսիսյանը։

Մովսիսյանն անցած մրցաշրջանում «Փյունիկ 2007»-ի հետ դարձել է Հայաստանի Մ18 տարեկանների առաջնության հաղթող, ինչպես նաև գավաթակիր։

2023/24 մրցաշրջանը Մովսիսյանի համար նշանավորվեց Առաջին խմբում հանդիպումներին մասնակցելով. 16-ամյա ֆուտբոլիստը 3 պաշտոնական հանդիպման է մասնակցել «Փյունիկ Ակադեմիայի» կազմում։

Սեդրակը հրավիրվել է Հայաստանի Մ17 տարեկանների հավաքական և մասնակցել Եվրոպայի առաջնության որակավորման փուլի Շվեյցարիայի և Իսլանդիայի հետ հանդիպումներին։

Շնորհավորում ենք մեր սանին՝ մաղթելով հաջողություն գալիք մրցաշրջանում և կարիերայում։