Կոնֆերենցիաների լիգայի երրորդ փուլի «Օրդաբասի» - «Փյունիկ» (0:1) դիմակայության առաջին խաղից հետո մեր թիմի պաշտպան Դավիդ Դավիդյանը, որը հաղթական գոլային փոխանցման հեղինակն է, խոսել է իր տպավորություններից, Վիլելայի վնասվածքի և անդրադարձել հանդերձարանում տիրող մթնոլորտին:
«Այո, իսկապես բարդ խաղ էր: Լավ է, որ ստացվեց գոլ խփել: Շատ եմ ափսոսում, որ Լուկաս Վիլելան վնասվածք ստացավ, հույս ունեմ` նրա մոտ ամեն ինչ կարգին է: Առողջություն եմ մաղթում նրան, բայց ամենակարևորն այն է, որ այստեղ հաղթեցինք, իսկ առջևում պատասխան խաղն է Երևանում:
Բոլորը գոհ են, շատ բարդ խաղ էր, գումարած այդ տհաճ իրավիճակը, բայց արդեն պատրաստվում ենք պատասխան խաղին»:
