Կոնֆերենցիաների լիգայի որակավորման երրորդ փուլի պատասխան խաղում «Փյունիկը» Վազգեն Սարգսյանի անվան «Հանրապետական» մարզադաշտում կընդունի ղազախական «Օրդաբասիին»:

Հանդիպումը կայանալու է օգոստոսի 15-ին ու մեկնարկելու է 20։00-ին։ Խաղը լուսաբանել ցանկացող լրագրողները կարող են իրենց հայտերն ուղարկել [email protected] էլեկտրոնային հասցեին` նշելով անուն ազգանուն, աշխատանքի բնույթ և ԶԼՄ-ի անվանում:

Դիմումները կընդունվեն մինչև օգոստոսի 14-ը 12։00։

Հավատարմագրված բոլոր լրագրողներն իրենց անցագրերը կարող են ստանալ օգոստոսի 14-ին ստադիոնում՝ ժամը 17:00-ից մինչև 20:00 ընկած ժամանակահատվածում:

Մարզադաշտի ասուլիսների սրահում օգոստոսի 14-ին տեղի կունենան «Փյունիկի» գլխավոր մարզիչ Եղիշե Մելիքյանի (17:30) ու «Օրդաբասիի» գլխավոր մարզիչ Ալեքսանդր Սեդնևի (18:30) նախախաղային մամուլի ասուլիսները: Գլխավոր մարզիչների հետ նախախաղային ասուլիսներին կմասնակցեն նաև երկու թիմերից մեկական ֆուտբոլիստ:

Ասուլիսների ավարտից հետո կկայանան երկու թիմերի նախախաղային մարզումները, որի առաջին 15 րոպեները բաց կլինեն լրագրողների համար:

Խաղին հավատարմագրվելու համար դիմած բոլոր այն լրագրողներն, ովքեր չեն ներկայանա ստանալու իրենց անցագրերը նշված ժամկետում, այլևս չեն կարողանա հավատարմագրվել այս խաղի համար։