Ուրախ ենք տեղեկացնելու, որ Միքայել Խաշմանյանը նշանակվել է «Փյունիկի» ակադեմիայի ֆուտբոլի Մ12 տարեկանների զարգացման ծրագրի կորդինատոր։

Խաշմանյանը, բացի մարզումային գործընթացն համակարգելուց, հետևելու է նաև դրա ընթացքին: 

Միքայելը ֆուտբոլիստի կարիերայի ընթացքում հանդես է եկել Հայաստանի Բարձրագույն խումբը ներկայացնող «Փյունիկում» և «Ալաշկերտում»: Մեր ակումբի կազմում նա դարձել է Հայաստանի չեմպիոն և Սուպերգավաթակիր: Երկրի գլխավոր առաջնության տիտղոսը նա մեկ անգամ էլ նվաճել է «Ալաշկերտի» գույներով: Խաշմանյանը հրավիրվել է նաև Հայաստանի մինչև 19 տարեկանների հավաքական:

Մեր նոր կորդինատորը մարզչական կարիերան սկսել է 2018 թվականից՝ «Փյունիկում»: Այդ տարվանից սկսած Խաշմանյանը մեր ակումբի համակարգում է: Մեզ մոտ Խաշմանյանը մարզել է «Փյունիկ 2016», «Փյունիկ 2014» թիմերի ֆուտբոլիստներին, օգնական է եղել «Փյունիկ 2012-1»-ում:  

Միքայելը 2021/22 մրցաշրջանի ընթացքում մարզչական գործունեություն է ծավալել «Ուրարտուի» ակադեմիայում՝ գլխավորելով 2015 և 2016 թվականին ծնված երեխաների թիմերը: 

Միքայելին մաղթում ենք հաջողություն և բեղմնավոր աշխատանք: