«Փյունիկ» ՖԱ-ն նոր համալրում ունի. Թիմին է միացել 32-ամյա բրազիլացի հարձակողական ոճի կիսապաշտպան Տիագո Գալվաոն։

Գալվաոն նախկինում հանդես է եկել բրազիլական «Պաուլիստայում», սերբական «Սլոբոդա Ուժիցեում», «Չուկարիչկիում», «Բորաց Չաչակում», մոլդովական «Շերիֆում», պորտուգալական «Շավիշում» և մալթական «Ֆլորիանայում»։

Բրազիլացի ֆուտբոլիստի վերջին թիմը եղել է Երևանի «Ալաշկերտը»։ Հայաստանի Բարձրագույն խմբի առաջնությունում Գալվաոն անցկացրել է 43 խաղ, որոնցում դարձել է 10 գոլի և 11 գոլային փոխանցման հեղինակ։

«Փյունիկ» ՖԱ-ն բարի գալուստ և հաջող մրցելույթներ է մաղթում Տիագո Գալվաոյին։