«Փյունիկ» ՖԱ-ն նոր համալրում ունի։ Թիմին է միացել 24-ամյա հայազգի կիսապաշտպան Գևորգ Նաջարյանը։

Նաջարյանը Կարագանդայի «Շախտյորի» սան է։ 2015թ․-ի մարտին նա իր նորամուտն է նշել Կարագանդայի «Շախտյորի» գլխավոր թիմում։ Ֆուտբոլիստն իր կարիերայում հանդես է եկել նաև ղազախական «Աստանայի» կազմում։

Նշենք, որ Գևորգ Նաջարյանը խաղացել է Ղազախստանի երիտասարդական հավաքականում, որտեղ անցկացրել է 20 խաղ և խփել 1 գոլ։

Նաջարյանը նաև Ղազախստանի ազգային հավաքականի կազմում մասնակցել է մեկ հանդիպման, որն ընկերական խաղի շրջանակում է եղել։

«Փյունիկ» ՖԱ-ն բարի գալուստ և հաջող մրցելույթներ է մաղթում Գևորգ Նաջարյանին։