Ուրախ ենք տեղեկացնելու, որ Վահե Հարությունյանը նշանակվել է «Փյունիկի» ակադեմիայի ֆուտբոլի Մ12 տարեկանների զարգացման ծրագրի կորդինատոր։
Հարությունյանը, բացի մարզումային գործընթացն համակարգելուց, հետևելու է նաև դրա ընթացքին:
33-ամյա մասնագետը ֆուտբոլիստի կարիերայի ընթացքում խաղացել է «Փյունիկում» և հասել մինչև 18 տարեկանների թիմ:
Մարզչական կարիերայի առաջին քայլերը Հարությունյանը կատարել է «Ֆուրման ՖԱ»-ում, այնուհետև տեղափոխվել «Ուրարտու»: Այնտեղ մարզիչը գլխավորել է տարբեր տարիքային թիմեր՝ հասնելով Մ18 թիմին: Առաջընթաց գրանցելով նա աշխատել է նաև «Ուրարտու-2»-ում՝ որպես գլխավոր մարզչի օգնական:
Վահե Հարությունյանը 3 տարի եղել է Հայաստանի Մ17 տարեկանների հավաքականի գլխավոր մարզիչ:
Բարի վերադարձ ենք մաղթում Հարությունյանին:
