«Փյունիկը» Fastex Հայաստանի Պրեմիեր լիգայի 12-րդ տուրում Ավանի Ակադեմիայում 2:1 հաշվով հաղթեց ԲԿՄԱ-ին:
Հանդիպման կարևոր իրադարձությունները զարգացան առաջին խաղակեսում.
Յուսուֆ Օտուբանջոն 23-րդ րոպեին անհատական վարպետություն դրսևորեց, երբ մեկը-մեկի հետ պայքարում շրջանցեց բանակայինների պաշտպանին և գնդակը կախեց դարպասապահի վրայով: Օտուբանջոյի համար սա «Փյունիկի» գույներով հոբելյանական 50-րդ գոլն էր:
Երկրորդ գնդակը տանտերերի դարպասում հայտնվեց երկու րոպե անց. այս անգամ նիգերիացին անկյունայինը վերածեց գոլի` ձևակերպելով դուբլ:
ԲԿՄԱ-ն առաջին կեսում կրճատեց հանդիպման հաշիվը՝ ձևակերպելով վերջնարդյունքը. տուգանային հարվածը խորամանկորեն խաղարկելուց հետո, Կառլեն Հովհաննիսյանը կտրուկ հարված կատարեց, որի ճանապարհն էլ արդյունավետ շեղեց բանակայինների ավագ Արգիշտի Պետրոսյանը:
Եղիշե Մելիքյանի թիմը առաջնությունում 4-րդ անընդմեջ հաղթանակը տոնեց: Փյունիկցիների հաջորդ հանդիպումը կկայանա հոկտեմբերի 28-ին «Վանի» հետ «Ջունիոր Սպորտ» մարզադաշտում:
