Fastex Հայաստանի Պրեմիեր լիգայի 12-րդ տուրի ԲԿՄԱ - «Փյունիկ» (1:2) խաղից հետո հանդիպման հերոս Յուսուֆ Օտուբանջոն պատմեց իր տպավորությունների, միջազգային դադարից հետո հաղթանակով վերադառնալու մասին և շնորհակալություն հայտնեց երկրպագուներին ամեն պահին թիմի կողքին լինելու համար:
«Իսկապես բարդ շաբաթ էր, դրան գումարած եղանակը փոխվում է, ու մեր խնդիրը ավելի է բարդանում է: Մենք երկար ժամանակ ունեինք այս խաղին պատրաստվելու համար, խաղը հեշտ չէր, բայց ամենակարևորն այն է, որ 3 միավոր վաստակեցինք:
Միջազգային դադարից առաջ վերջին խաղում ես չկարողացա գոլ խփել, չնայած որ գոլային փոխանցում էի կատարել, բայց դա ինձ չգոհացրեց, քանի որ երբ գոլ չես խփում ու գնում ես երկար դադարի, ցանկանում ես վերադարձից հետո լավ մեկնարկ ունենալ: Մենք կենտրոնացած էինք, և ինչպես մարզիչն է ասում, մենք պարտավոր ենք օգտագործել մեր բոլոր պահերը ու մնալ կենտրոնացած, այսօր այդպես էլ արեցինք ու այդ պատճառով հաջողեցինք: Ես ուրախ եմ, որ ինձ տրվեց նման հնարավորություն:
Ֆուտբոլը նաև երկրպագուներն են: Մենք տեսնում ենք, որ երկրպագուները մեր կողքին են թե՛ անձրևին, թե՛ ձյանն ու ձմռանը: Նրանց աջակցությւոնը մշտապես կարևոր է: Ցանկանում եմ առանձնացնել նաև մեր ընտանիքի անդամներին ու ընկերներին, որոնք գալիս են մարզադաշտ, դա նույնպես մեզ մոտիվացնում է: Շնորհակալություն բոլորին ու շարունակեք հաճախել մեր խաղերին»,-եզրափակեց Օտուբանջոն:
