«Փյունիկ Ակադեմիան» Հայաստանի Առաջին խմբի 13-րդ տուրում 3:1 հաշվով հաղթեց «Լեռնային Արցախին»:
Առաջին խաղակեսում մեր թիմը կարողացավ երկու գոլ խփել: Սկզբում Տիգրան Գևորգյանի փոխանցումից հետո դատարկ դարպասը գրավեց Նարեկ Բարոյանը, այնուհետև խաղընկերոջ կատարած հարվածով արդեն իր անվան դիմաց գոլ գրանցեց Տիգրան Գևորգյանը:
Երկրորդ խաղակեսում «Լեռնային Արցախը» միայն վերջնամասում կրճատեց հաշվի տարբերությունը, երբ թիմի ավագ Ախմեդ Ջինդոյանը դիպուկ իրացրեց 11 մետրանոցը: Մրցավարի եզրափակիչ սուլիչից վայրկյաններ առաջ մեր տղաները կարողացան ևս մեկ գոլ խփել:
Փոխարինման մտած Վալերի Համբարձումյանը հրաշալի փոխանցում էր ստացել Արթուր Մանուկյանից և մրցակցի տուգանային հրապարակում հարվածի տարբերակ չունենալով ասիստ կատարեց Տիգրան Գևորգյանին և վերջինս դարձավ դուբլի հեղինակ:
