Fastex Պրեմիեր լիգայի առաջնության 27-րդ տուրում «Փյունիկն» Աբովյանի Վահագն Թումասյանի անվան մարզադաշտում ընդունեց «Ուրարտուին», որին այս տուրից առաջ զիջում էր ընդամենը 1 միավորով: Խաղը շատ հաջող սկսվեց մեր թիմի համար ու արդեն 5-րդ րոպեին Մատաս Վարեյկան գեղեցիկ հարվածով առաջ մղեց «Փյունիկին»:
30-րդ րոպեին մեր ֆուտբոլիստները կարող էին կրկնապատկել հաշիվը, երբ Ալեմաոյի հարվածից հետո դարպասապահը մի կերպ հետ մղեց գնդակը, ապա Սերգեյ Վակուլենկոյի գլխով կատարած փոխանցումից հետո Յուսուֆ Օտուբանջոն չկարողացավ արագ արձագանքել գնդակին:
Հանդիպման երկրորդ խաղակեսում հյուրերը հաղթողի նժարը թեքեցին իրենց կողմը: «Ուրարտուի» առաջին գոլը խփեց Արտյոմ Պոլիարուսը, այնուհետև ինքնագոլ գրանցվեց Միխայիլ Կովալենկոյի կողմից:
Ստանդարտներից մեկը խաղակեսի միջնամասում գոլով ավարտեց Բրունո Միշելն, իսկ վերջին արդյունավետ հարվածը կատարեց Նարեկ Աղասարյանը: «Փյունիկի» հաջորդ հանդիպումը կկայանա «Վեստ Արմենիայի» հետ ապրիլի 23-ին՝ «Ջունիոր Սպորտում»:
