«Փյունիկ Ակադեմիան» Առաջին խմբի 23-րդ տուրում 4:0 հաշվով հաղթանակ տոնեց «Արարատ-2»-ի նկատմամբ:
Հանդիպման առաջին խաղակեսում մեր թիմը լուծեց հաղթողի հարցը: Մեկնարկային րոպեների ինտենսիվ ճնշումը տվեց իր արդյունքը, գոլի հեղինակ դարձավ Նարեկ Բարոյանը: Այնուհետև մեր տղաները ևս երկու գնդակ խփեցին Էրիկ Պապիկյանի և Սերգեյ Հարությունյանի շնորհիվ:
Երկրորդ խաղակեսում հանդիպման վերջին գնդակն իր անվան դիմաց գրանցեց Նարեկ Բարոյանը՝ ձևակերպելով դուբլ:
«Փյունիկ Ակադեմիան» հաջորդ հանդիպումը կանցկացնի մայիսի 13-ին՝ Գյումրիում հյուրընկալվելով «Շիրակ-2»-ին:
