Ուրախ ենք տեղեկացնել, որ «Փյունիկ» ՖԱ-ի շարքերն է համալրել 22-ամյա կիսապաշտպան Սերոբ Գալստյանը։

Գալստյանը խաղացել է Հայաստանի Առաջին խումբը ներկայացնող «Անի», «Տորպեդո» և «Արարատ-2» թիմերում: 2021 թվականի ամռանը նա տեղափոխվել է ԲԿՄԱ` անցկացնելով մեկ մրցաշրջան:

Սերոբ Գալստյանի նախորդ թիմը՝ Երևանի «Արարատն» էր, որտեղ հանդես է եկել վերջին 3 տարիներին։

Հայաստանի Պրեմիեր լիգայի առաջնություններում Գալստյանն անցկացրել է 87 հանդիպում:

Սերոբը հանդես է եկել նաև Հայաստանի Մ-21 տարեկանների հավաքականում, իսկ 2022 թվականի սեպտեմբերին հրավիրվել է Հայաստանի ազգային հավաքական:

«Փյունիկ» ՖԱ-ն բարի գալուստ և հաջող մրցելույթներ է մաղթում Սերոբ Գալստյանին։