Տեղեկացնում ենք, որ «Փյունիկի» ակադեմիայի տեխնիկական տնօրեն է նշանակվել 38-ամյա մասնագետ Մանուկ Սարգսյանը։

Նախկինում նա աշխատել է Երևանի «Միկայում» (2013-15 թթ․), «Բանանցում» (ներկայիս՝ «Ուրարտու», 2017-18 թթ․), ղազախական «Ատիրաուում» (2020-22 թթ․), Երևանի «Ալաշկերտում» (2022 թ․) և «Արարատում» (2022 թ․)։

Որպես գլխավոր մարզչի օգնական՝ Մանուկ Սարգսյանը տարբեր տարիներին ընդգրկված է եղել Հայաստանի Մ-16, Մ-19 և երիտասարդական հավաքականների մարզչական շտաբում։ 2016-20 թթ․ նա եղել է Հայաստանի կանանց Մ-19 տարեկանների հավաքականի գլխավոր մարզչի օգնական, իսկ 2020-21 թթ․ Մանուկ Սարգսյանը գլխավորել է Հայաստանի կանանց ազգային հավաքականը։

2023-25 թթ․ Սարգսյանն աշխատել է Տալլինի «Արարատում»՝ ընդգրկվելով կանանց թիմի մարզչական շտաբում, որը 2023 թվականին դարձել է Էստոնիայի Առաջին լիգայի հաղթող ու Բարձրագույն խմբի ուղեգիր նվաճել։ 2023 թվականի փետրվարին նա նշանակվել է Տալլինի «Արարատի» տեխնիկական տնօրեն։

Մանուկ Սարգսյանն ունի ՀՖՖ/ՈւԵՖԱ Մարզչական PRO կարգի արտոնագիր։

Նշենք, որ Մանուկ Սարգսյանը համատեղության կարգով կշարունակի աշխատել «Փյունիկ Աղջիկներ» թիմի գլխավոր մարզչի պաշտոնում, որը գլխավորում է նախորդ ամսվանից։

Շնորհավորում ենք Մանուկ Սարգսյանին՝ նոր պաշտոն ստանձնելու կապակցությամբ և մաղթում արդյունավետ աշխատանք։