«Փյունիկ Ակադեմիան» Հայաստանի Առաջին խմբի 17-րդ տուրում Սևանի քաղաքային մարզադաշտում 2:2 հաշվով ոչ-ոքի գրանցեց «Անդրանիկի» հետ:

Հանդիպման մեկնարկից 6 րոպե անց տանտերերը Անդրես Գամբոայի շնորհիվ բացեցին հանդիպման հաշիվը: 

Հաշված րոպեներ անց նռնագույնները 11 մետրանոց վաստակեցին, սակայն Լևոն Պետրոսյանը վրիպեց:

Լարված ֆուտբոլի և թեժ պայքարի ընթացքում առաջին խաղակեսի վերջնամասում ֆուտբոլիստների միջև բախում տեղի ունեցավ, որի պատճառով մրցավարն ուղիղ կարմիր քարտով դաշտից հեռացրեց մեր թիմից Սերգեյ Հարությունյանին:

Երկրորդ խաղակեսում «Փյունիկ Ակադեմիան» արագորեն հավասարեցրեց հաշիվը և երկրորդ անգամ  վաստակեց 11 մետրանոց,  որն այս անգամ անվրեպ իրացրեց Լևոն Պետրոսյանը:

 «Անդրանիկին» ընդամենը 2 րոպե պահանջվեց հաշվի մեջ առավելությունը վերականգնելու համար. «Փյունիկ Ակադեմիայի» տուգանային հրապարակում ստեղծված խառնաշփոթից ամենաարագը կողմնորոշվեց Վարդան Ազիզյանը:

Այնուամենայնիվ, մեր համառությունը տվեց իր արդյունքը. Մրցավարի ավելացրած ժամանակի առաջին րոպեին Կարեն Հովակիմյանն աջ եզրից գնդակը ուղարկեց մրցակցի տուգանային հրապարակ և տանտերերի դարպասապահ Նիկոլայ Ասլանյանը չկարողանալով որսալ գնդակը, այն ուղարկեց սեփական դարպասը՝ 2:2:

Լևոն Ստեփանյանի թիմը հաջորդ հանդիպումը կանցկացնի մարտի 31-ին՝ Ավանի ֆուտբոլի ակադեմիայում հյուրընկալվելով «Արարատ-Արմենիա-2»-ին: