Հովհաննես Հարությունյանը «Փյունիկ» է վերադարձել 2021 թվականին «Արարատ- Արմենիայից»։ Հարությունյանը Հայաստանի առաջնությունում հաղթել է 2 անգամ․ 2019/20 մրցաշրջանում «Արարատ-Արմենիայի» հետ, իսկ 2021/22 մրցաշրջանում՝ «Փյունիկի» հետ։ Հովհաննեսը համարվում է մեր ակումբի սան։ Նա իր նորամուտը գլխավոր թիմում նշել է 2016-ին, իսկ առաջին գոլը մեր ակումբի գույներով հեղինակել է մեկ տարի անց՝ դուբլ ձևակերպելով «Արարատի» դեմ խաղում և օգնելով հաղթանակ տանել 2։1 հաշվով։ Այնուհետև, տեղափոխվել է «Արարատ Արմենիա», հետո սլավոնական «Զեմփլին» և կրկին վերադարձել է «Արարատ Արմենիա»։ «Փյունիկ» վերադառնալուց հետո Հովհաննեսը աստիճանաբար ամրապնդվել է մեր թիմի կազմում ու առաջին անգամ հրավիրել է Հայաստանի հավաքական՝ նորամուտը նշելով 2022-ի սեպտեմբերին Իռլանդիայի դեմ խաղում։ Հարությունյանը համարվում է ազգային հավաքականի ֆուտբոլիստ։ Նա նոյեմբերին հատել է 100 հանդիպման շեմը մեր ակումբի կազմում։